വിദ്യാർത്ഥികൾക്ക് നേരെ ലൈംഗികാതിക്രമം: മദ്രസ അധ്യാപകൻ കോടതിയിൽ കീഴടങ്ങി
•
1 min read
കൊല്ലം കടയ്ക്കലിലെ മദ്രസയിൽ രണ്ട് വിദ്യാർത്ഥികൾക്ക് നേരെ ലൈംഗികാതിക്രമം നടത്തിയ കേസിൽ അധ്യാപകനായ കടയ്ക്കൽ സ്വദേശി ഇമ്പിച്ചി കോയ കൊല്ലം സെഷൻസ് കോടതിയിൽ കീഴടങ്ങി. 
കുട്ടികൾക്ക് മൊബൈൽ ഫോണിൽ അശ്ലീല വീഡിയോകൾ കാണിച്ചുകൊടുക്കുകയും തുടർന്ന് ലൈംഗികമായി ഉപദ്രവിക്കുകയുമായിരുന്നു. കുട്ടികൾ വിവരമറിയിച്ചതിനെ തുടർന്ന് രക്ഷിതാക്കൾ ചൈൽഡ് ലൈനിൽ പരാതി നൽകുകയും ചൈൽഡ് ലൈൻ പ്രവർത്തകർ വിവരമറിയിച്ചതിൻ്റെ അടിസ്ഥാനത്തിൽ പോലീസ് കേസെടുക്കുകയുമായിരുന്നു.
സംഭവത്തിനുശേഷം ഒളിവിൽ പോയ പ്രതി, മുൻകൂർ ജാമ്യാപേക്ഷ തള്ളിയതിനെ തുടർന്നാണ് കോടതിയിൽ ഹാജരായത്. ഇയാളെ റിമാൻഡ് ചെയ്തു.
sources:
